Schlumberger şirkətinin İnsan Resursları (İR) üzrə direktoru Fabrice Bouchaud UFAZ-ın elmi tədris laboratoriyalarının binasında olub.
2019-10-22
Schlumberger şirkətinin İnsan Resursları (İR) üzrə direktoru Fabrice Bouchaud UFAZ-ın elmi tədris laboratoriyalarının binasında
Oktyabrın 16-da Azərbaycan-Fransız Universitetinin (UFAZ) rəhbərliyi Schlumberger şirkətinin İnsan Resursları (İR) üzrə direktoru Fabrice Bouchaud ilə UFAZ-ın elmi tədris laboratoriyalarının binasında görüşüb.
Universitetin binası və laboratoriyanın infrastrukturu ilə yaxından tanış olan direktor Bouchaud Schlumberger və UFAZ arasında əməkdaşlığın gələcək inkişafına dəstək verməkdə maraqlı olduğunu bildirib.
Görüşdə UFAZ-ın sonuncu kurs tələbələri üçün Azərbaycanda və Fransada təcrübə keçmək, Schlumberger tədris mərkəzləri ilə müəllim mübadiləsi də daxil olmaqla bir sıra əməkdaşlıq sahələri müzakirə olunub.
Schlumberger şirkəti ilə UFAZ 2019-cu ilin iyul ayında rəsmi Anlaşma Memorandumu imzalayıb. Tərəflər UFAZ tələbələrinin Schlumberger şirkətlərində təcrübə, təlim və kadr seçimi proqramlarında iştirakına dair birgə əməkdaşlığın yaradılması və layihələrin həyata keçirilməsi məqsədi ilə Anlaşma Memorandumunu imzalamaq üçün razılığa gəlib.
2019/2020 tədris ilində UFAZ-ın Neft-qaz mühəndisliyi və Geofizika mühəndisliyi ixtisasının dördüncü kurs tələbələrinə Schlumberger şirkətinin “Qazma və Menecment” şöbəsinin nümayəndələri tərəfindən texniki mühazirələr keçirilib.
Aucun commentaire:
Enregistrer un commentaire