Azərbaycan-Fransız Universitetini bitirən tələbələrin diplomları Avropanın 27 ölkəsində tanınır

Bakı, 6 fevral, AZƏRTAC 

Azərbaycan Dövlət Neft və Sənaye Universitetinin (ADNSU) nəzdində fəaliyyət göstərən Azərbaycan-Fransız Universitetinin (UFAZ) ikili diplom proqramlarını bitirən tələbələrin diplomları Avropanın 27 ölkəsində tanınır.

AZƏRTAC xəbər verir ki, bunu fevralın 6-da UFAZ-da keçirilən mətbuat konfransında Təhsil Nazirliyinin Elm, ali və orta ixtisas təhsili şöbəsinin müdiri Yaqub Piriyev deyib. O bildirib ki, bu diplomlar UFAZ məzunlarının Avropada asanlıqla işlə təmin olunmasına imkan verir.

https://azertag.az/xeber/Azerbaycan_Fransiz_Universitetini_bitiren_telebelerin_diplomlari_Avropanin_27_olkesinde_taninir-1406263