McKinsey & Company şirkətinin nümayəndələri UFAZ-da olub

                   

Nümayəndə heyətinin rəhbəri Neslihan Gomecli, İnsan Resursları (İR) departamentinin rəhbəri Melisa Kayar, Biznes təhlili üzrə mütəxəssis Nərmin Aydamirova

1 noyabr 2019-cu ildə McKinsey & Company şirkətinin nümayəndələri ilk dəfə Azərbaycan-Fransız Universitetində (UFAZ) olub.

Görüşdə nümayəndə heyətinin rəhbəri Neslihan Gomecli, İnsan Resursları (İR) departamentinin rəhbəri Melisa Kayar, Biznes təhlili üzrə mütəxəssis Nərmin Aydamirova, UFAZ-ın direktoru, dosent Vazeh Əsgərov, baş katib Şarlot Payen və İctimaiyyətlə Əlaqələr departamentinin meneceri Nazrin Mirzəyeva iştirak edib. UFAZ-ın binası ilə tanış olan qonaqlar daha sonra əməkdaşlıq haqqında UFAZ idarə heyəti ilə müzakirə aparıblar. McKinsey şirkətinin UFAZ-a gələcək səfərləri haqqında danışan nümayəndələr bu cür görüşlərin UFAZ tələbələri ilə şirkət arasında geniş əlaqələrin yaranmasında müsbət rol oynayacağını və bununla da tələbələrin konsaltinqdə mühəndisliyin rolu haqqında daha aydın məlumat əldə edə biləcəklərin vurğulayıblar.

 McKinsey & Company aparıcı müəssisələrə, hökumətlərə və qeyri-hökumət təşkilatlarına xidmət edən konsaltinq şirkətidir. Şirkət 1 əsrə yaxındır ki, müştərilərə fəaliyyətlərini davamlı inkişaf etdirməyə və ən vacib məqsədlərini həyata keçirməyə kömək edir.