Vazeh Əsgərov: “Gənclərimizin bu hərəkəti əsl qəhrəmanlıqıdır”

27 Fevral 2013 [21:53]

Əslində “Sumqayit hadisələrindən 25 il sonra: hazırkı vəziyyət və Dağlıq Qarabağ xalqı üçün gələcək perspektivlər” mövzusunda keçiriləcək tədbir haqqında biz əvvəlcədən xəbərdar idik.

Bu barədə Gün.Az-a Fransada Azərbaycanlı Tələbələr Cəmiyyətinin prezidenti, Strasburq Universitetinin doktoru Vazeh Əsgərov Fransada diaspor fəallarımızın döyülməsi ilə bağlı xəbəri şərh edərkən deyib:

“Tədbir gününün də məhz fevral 26-da təyin edilməsi təsadüfi deyil.

Konfransa məruzəçi qismində dəvət alan, Fransada öz milliyətçi mövqeləri ilə seçilən erməni əsilli fransızların olması tədbirin hansı səpkidə keçəcəyindən əvvəlcədən xəbər verirdi.

Bir daha qeyd etmək istərdim ki, tədbirin əsas təşkilatçılarından biri məhz Fransa Milli Assambleyasının üzvü, ermənipərəst mövqeyi ilə tanınan parlamentari, Fransa parlamentinin AŞPA-dakı nümayəndə heyətinin üzvü Fransua Roşebloun olub.

Düşünürəm ki, “Paris Azərbaycan Evi”nin rəhbəri Mirvari Fətəliyevanın və Fransada təhsil alan Vüsal Hüseynovun hərəkəti əsl qəhrəmanlıqdır”, - deyə V.Əsgərov bildirib.

Vazeh Əsgərov tezliklə Fransada və digər Avropa ölkələrində fəaliyyət göstərən diaspor təşkilatlarının, Azərbaycan Evlərinin, digər qurumların Fransa parlamentində 40 nəfər millətçi erməni tərəfindən döyülüb təhqir edilən “Paris Azərbaycan Evi”nin rəhbəri Mirvari Fətəliyeva və tələbə Vüsal Hüseynova dəstək olmaq üçün ümumi bir müraciətin hazırlanmasını təklif edir:

“Eyni zamanda, düşünürəm ki, yerli təşkilatlar tərəfindən Erməni Milli Assambleyası qarşısında mitinq təşkil etmək üçün Paris meriyasına tezliklə müraciət olunmalı və müraciət ilə çıxış edilməlidir”.

Elnur Eltürk
Gün.Az

"Dağlıq Qarabağın müstəqilliyini tanımaq ermənilərə baha başa gələr"

Ermənistanda seçki ayı ilə əlaqədar prezident postuna olan namizədlərdən müxtəlif bəyanatlar eşitməkdəyik. Bu bəyanatlardan biri də son günlərdə "İrs" Partiyasının lideri Raffi Ovannisyandan gəlməkdədir. Belə ki, partiya rəhbəri öz platformasını açıqlayarkən Dağlıq Qarabağın müstəqilliyinin tanınması və Qarabağ ermənilərinin istəyi nəzərə alınaraq, Ermənistana birləşdirilməli kimi fikirlər səsləndirib.

Qeyd edək ki, bu fikirlər "İrs" Partiyasından daha əvvəllər də səsləndirilib. Partiya rəhbəri dəfələrlə Dağlıq Qarabağdakı separatçi rejimi Ermənistan parlamentində "müstəqil dövlət" kimi tanımağı nəzərdə tutan layihə ilə çıxış edib və hər dəfə səs vermələr təxirə salınıb.

Bu məsələ ilə bağlı ünvanladığımız sualı Strasburq Universitetinin doktoru Vazeh Əsgərov şərh edib:"Vaxtaşırı bu kimi bəyatanların verilməsi yalnız və yalnız müəyyən təzyiq yaradıb, ictimaiyyətdə müxtəlif fikirlərin formalaşmasına hesablanır deyə düşünməkdəyəm. Əminəm ki, ermənilərin cürəti çatsaydı, Qarabağın separatçı rejimini çoxdan tanıyardı. Belə ki, hər dəfə qanun layihəsinin hazırlanıb parlamentə təqdim olunması ilə son anda təxirə salınması kimi fikirlərin əslində Ermənistan üçün nə dərəcədə ağır fəsadlar verəcəyinə özləri də yaxşı bilirlər. Azərbaycan xalqı bu kimi məsələlərə həmişə hazır olmalıdır", - deyə ekspert bildirib.

11/02/2013   

Elnur Eltürk

http://veteninfo.az/siyaset/9999.html